Қидириш   

Мақолаларни саралаш: санаси | машҳурлиги | кўрилганлиги | шарҳлари | алифбо
17 август 2016,   кўрилган: 373

Ҳеч ким меҳр ва эътибордан четда қолмайдиЎзбекистон Республикаси Президентининг 2016 йил 9 февралдаги “Соғлом она ва бола йили Давлат дастури тўғрисида” ги Қарори ижросини таъминлаш ҳамда Ўзбекистон Республикаси мустақиллигининг 25 йиллигини муносиб кутиб олиш мақсадида жорий йилнинг 15 августидан – 20 августига қадар “Ҳеч ким меҳр ва эътибордан четда қолмасин!” шиори остида Республикамизнинг чекка ҳудудларида истиқомат қилувчи кам таъминланган оилалар, якка ёлғиз қариялар, ногиронлар шу жумладан ногирон болалар, фертиль ёшдаги аёллар малакали мутахассислар томонидан кенг тарзда чуқурлаштирилган таббий кўрикдан ўтказилади.
Энг улуғ, энг азиз барамни юқори савияда нишонлаш мақсадида ташкиллаштирилган мазкур саломатлик ҳафталигида РИФ ва ПИАТМ директори, тиббиёт фанлари доктори М. Н. Тиллашайхов раҳбарлигида 9 та ихтисослик яъни, хирург, терапевт, кардиолог, педиатр, невропатолог, уролог, офтальмолог, акушер-гинеколог, травматолог йўналишлари бўйича республика ихтисослаштирилган тиббиёт марказлари, илмий текшириш институтлари ҳамда тиббиёт олий таълим муассасаларининг етакчи олимлари, профессор ва доцентлари жалб этилган.
Тибий кўрикларни ўтказиш учун алоҳида жойлар ажратилиб, улар тегишли тиббий асбоб-ускуналар жумладан, электрокардиограф ва ультратовуш ташхислаш аппаратлари билан жиҳозланади. Тўшакда ётиб қолган кексаларни уйида тиббий кўрикдан ўтказилишини ташкил этиш мақсадида тез тиббий ёрдам машиналари ажратилди. Тиббий кўрик натижасида аниқланган беморларни амбулатор шароитда, вилоят, республика тасарруфидаги даволаш-профилактика муассасаларида ҳамда республика ихтисослаштирилган марказларида ўрнатилган тартибда соғломлаштириш учун йўлланмалар ҳамда уруш ва меҳнат фронти фахрийлари ва кексаларга соғломлаштириш мақсадида санатор-курортларга тавсиялар берилади.
Бўлими : Тизимдаги лойихалар   |   info  |   :
21 июль 2016,   кўрилган: 580

“Соғлом она ва бола йили” Давлат дастури ижроси тўғрисидаЎзбекистон Республикаси Президентининг 2016 йил 9 февралдаги “Соғлом она ва бола йили” Давлат дастури тўғрисида”ги ПҚ-2487-сонли қарори асосида, вилоят хокимининг 2016 йил 14 мартдаги К-49 сонли карори билан тасдикланган “Соғлом она ва бола йили” вилоят дастурининг вилоят соғлиқни сақлаш тизимида 2016 йил январь-июнь ойларидаги ижроси тўғрисида


Ўзбекистон Республикаси Президентининг 2016 йил 9 февралдаги “Соғлом она ва бола йили” Давлат дастури тўғрисида”ги ПҚ-2487-сонли қарори асосида, вилоят хокимининг 2016 йил 14 мартдаги К-49 сонли карори билан тасдикланган “Соғлом она ва бола йили” Давлат дастури ижросини таъминлаш борасида вилоят соғлиқни сақлаш тизимида бирмунча ижобий ишлар амалга оширилди.
Мазкур қарор ва вилоят хокимининг 2016 йил 14 мартдаги 49-сонли қарори билан тасдиқланган Х1 бўлим ва 90 банддан иборат вилоят дастурининг 14 та бандига вилоят соғлиқни сақлаш бошқармаси масъул этиб белгиланган.
Вилоят Дастурида белгиланган вазифаларни тизимли мониторингини олиб бориш, бу борада жойларда олиб борилаётган ишларни доимий таҳлил қилиш, ҳамда ҳар ойнинг якуни билан тегишли тартибда вилоят комиссиясига ҳисоботлар тақдим этиб бориш мақсадида бошқармада мониторинг гуруҳи фаолияти йўлга қўйилган.
Дастур доирасида соғлом ва баркамол авлодни шакллантириш, аҳоли орасида репродуктив саломатликни мустаҳкамлаш, соғлом оилани шакллантириш, соғлом овқатланиш ва жисмоний фаолликни шакллантириш, соғлом оналик ва ривожланишнинг туғма нуқсонларини олдини олиш, болалар орасида касалликлар профилактикаси, маиший шикастланишларни олдини олиш режалаштирилган бўлиб, ушбу мақсадлар учун 20 млрд. 682 млн. сўм режалаштирилган бўлиб, 6-ой мобайнида 14 млрд. 684 млн. сўм маблағлар ўзлаштирилиб, 71,4 фоизга бажарилди.
Дастурдаги 14 та та банддан 3 та банди 100 % га, 7 та банди 65-80 %, 5 та банди 50-55 % га бажарилган.
Жумладан, Дастурнинг III-бўлим 17-бандига мувофиқ Хатирчи, Кармана туман тиббиёт бирлашмаси болалар бўлими тўлиқ реконструкция қилиниб фойдаланишга топширилди.
Қизилтепа туманида болалар бўлими, Вилоят сил касалликлар диспансерининг мавжуд биносида, Вилоят асаб-рухий касалликлар диспансерида реконструкция ишлари олиб борилмоқда. (90%)
Навоий шаҳар 2-сон оилавий поликлиникаси биносини ва Навоий шаҳар тиббиёт бирлашмаси бўлимилари янгидан қурилмоқда ва режага нисбатан 137 % маблағ ўзлаштирилган.
Вилоятдаги 21 та ҚВПда мукаммал ва жорий таъмирлаш ишлари бошланиб 2370, 0 сўм, яъни 241 % маблағ ўзлаштирилган.
Дастурнинг III-бўлим 20-бандига мувофиқ 18 ёшгача бўлган 254501 нафар (50,2%) бола чуқурлаштирилган тиббий кўрикдан ўтказилиб, 54421 нафаридан ҳар хил касалликлар аниқланиб (21,0%), 45900 нафари амбулатор шароитда, 8506 нафари шифохоналарда ва 50 нафари санатория шароитда даволанди.
Дастурнинг III-бўлим 21-бандига мувофиқ Республика марказлашган маблағлари хисобидан талассемия касаллигига чалинган 12 нафар бола “Экзежат” дори воситаси билан, лейкоз касаллигига чалинган 15 нафар бола “Глевик” дори воситаси билан таъминланди (93,5%).
Дастурнинг IV-бўлим 27-бандига мувофиқ вилоят қишлоқларида яшовчи 6 минг 504 нафар ҳомиладор аёллардан 6 минг 239 нафари таркибида фолат кислота сақловчи “ВИТРУМ” поливитамин комплекслари тарқатилди (65,9 %).
2016 йил 2-10 май кунлари “Болалар саломатлик ҳафталиги” деб белгиланиши муносабатии билан 87 минг 860 нафар болага витамин А ва 85 минг 887 нафар болага верморекс (мебендазол) препарати тарқатилди.
Дастурнинг ХI-бўлим 83-бандига мувофиқ бошқарманинг (navoimed.uz) расмий веб сайтида “Соғлом она ва бола йили” бўлими очилиб, Дастур асосида амалга оширилган ишлар ва келгусида режалаштирилган ишлар тўғрисида маълумотлар бериб борилмоқда.
Амалга оширилган ишлар натижасида вилоятда туғруқлар сонининг 415 тага, 35-44 ёшдаги туғруқларнинг 8 тага камайишиша эришилди ҳамда 15-16 ёшдаги вояга етмаган қизлар орасида ҳомиладорлик ва 1 йил орасидаги туғруқлар олди олинди.
Дастур доирасида амалга оширилаётган чора-тадбирлар бошқарманинг аппарат йиғилишларида 5 марта танқидий ва таҳлилий муҳокама қилиниб, йўл қўйилаётган камчиликларни вақтида бартараф этиш юзасидан масъулларга топшириқлар берилган.
Дастурнинг 50 % атрофида бажарилган бандлари янги ўқув йили бошланиши билан болалар ўртасида тиббий кўрик ва эмлаш ишларини ташкил этиш билан якунига етказилади. Шунингдек, витамин А саплиментациясининг кейинги тури режа асосида октябрь ойида ўтказилиб, октябрь ойида режа якунига етказилади. Бундан ташқари 3-4 чоракда назоратга олинадиган хомиладор аёлларга хомиладорликни 12 хафтасигача поливитамин комплекслари тарқатилиб, бу режа хам 100 % га бажарилиши учун захирада етарли миқдорда поливитамин комплекслари мавжуд.
Давлат дастурида белгиланган вазифаларни белгиланган муддатда бажариш учун барча имкониятлардан фойдаланиб, жорий йилнинг биринчи октябрига кадар олдимизга қўйилган мақсадларга эришиш учун барча чораларни кўрамиз.
Бўлими : Тизимдаги лойихалар   |   info  |   :
09 июнь 2016,   кўрилган: 364

Меҳр оғушида
2016 йил – Соғлом она ва бола йили
Меҳр оғушида

2016 йил – Соғлом она ва бола йили Давлат дастури ижросини таъминлашга қаратилган муҳим тадбирлардан бири “Ҳеч ким меҳр эътибордан четда қолмасин!” шиори сотида ўтказилган тиббий кўрик вилоятимиз шаҳар ва туманларини тўлиқ қамраган ҳолда ташкиллаштирилди. Ушбу кўрикларга Соғлиқни сақлаш вазирлигига қарашли Республика илмий амалий марказларидан 10 нафар, Бухоро Давлат тиббиёт институтидан 9 нафар профессор-ўқитувчилардан иборат ходимлар ҳамда вилоят ва соғлиқни сақлаш бошқармаси бош мутахассислари, вилоят ва туманлар даволаш-профилактика муассасаларидан малакали шифокорлар ва тажрибали ўрта тиббиёт ходимлари жалб қилинди. Ўтказилган кўрикларни ташкил қилишда вилоят ҳокимлиги ҳамда шаҳар ва туман ҳокимликлари томонидан амалий ёрдам кўрсатилди. Бу галги меҳр-эътибордан асосан иккинчи жаҳон уруши ногиронлари ва қатнашчилари, меҳнат фронти фахрийлари, ёлғиз қариялар, ногиронлар, нафақахўрлар ҳамда хотин-қизлар ва болалар баҳраманд бўлишди.
-Кўрикни юқори савияда ўтишида тиббиёт муассасаларида барча қулайликлар яратилгани, тиббий жиҳозлар билан таъминлангани қўл келди. – дейди пайтахтдан ташриф буюрган юқори малакали педиатр Аҳмаджон Алиев. - Яна бир муҳим томони ўз фарзандлари соғлиги ва келажагини ўйлаган ота-оналар кўрикларда фаол иштирок этдилар.
30 майдан 4 июнгача ўтказилган тиббий кўрикларда 14 098 нафар аҳолининг саломатлиги 12 хил мутахассис томонидан текширилди. Натижада 11493 та касаллик аниқланди.
7254 нафар беморга амбулатор шароитда, 629 нафарига туман ва вилоят шифохоналарида ва 71 нафарига Республика илмий-амалий тиббиёт марказларида даволанишга ва 173 нафарига санатор курортларга тавсиялар берилди.
Тиббий кўрикнинг асосий мақсади аҳоли саломатлигини яхшилаш, соғлом оилани барпо этиш, бунда оналар ва болалар саломатлигини муҳофаза қилиш билан баркамол авлод камолотига эришиш ва мустаҳкам жамият барпо қилишга қаратилгани жараёнда ўз ифодасини намоён этди.




Бўлими : Тизимдаги лойихалар   |   info  |   :
03 июнь 2016,   кўрилган: 427

Навоий вилояти она ва бола скрининг марказида оналик ва болаликни муҳофаза қилиш борасида салмоқли ишлар олиб борилмоқда.

Марказнинг пренатолог, генетик, эндокринолог, невропатолог, лаборант каби 20 га яқин малакали тиббиёт ходимлари ҳомиладор аёллар ва чақалоқларни скрининг текширувидан ўтказиш тадбирларини сифатли амалга оширмоқда.

“Соғлом она ва бола” Давлат дастури ижроси доирасида марказ “PHILIPS” русумли замонавий ультратовуш текширув аппарати билан таъминланди. Яратилган замонавий шароитлар ирсий ва туғма касалликларни эрта аниқлаш ҳамда она ва болани ўз вақтида соғломлаштириш имконини бермоқда.
Бўлими : Тизимдаги лойихалар   |   info  |   :
28 апрель 2016,   кўрилган: 433

2-10 май кунлари Республика Соғлиқни сақлаш вазирлиги томонидан “Болалар саломатлик ҳафталиги” деб белгиланиши муносабатии билан витамин А – саплементациясининг навбатдаги ХХV1-тури, дегельминтизациянинг 1-тури ўтказилади. “Саломатлик хафталиги”да 87 минг 860 нафар болага витамин А ва 85 минг 887 нафар болага верморекс (мебендазол) препарати тарқатилади.
Бўлими : Тизимдаги лойихалар   |   info  |   :
08 апрель 2016,   кўрилган: 455

Мамлакатимизда муҳтарам Юртбошимиз Ислом Каримов ташаббуси билан 2016 йил "Соғлом она ва бола йили", деб эълон қилинди. Жорий йилнинг 9 февралида эса Президентимизнинг "Соғлом она ва бола йили" Давлат дастури тўғрисида"ги қарори қабул қилинди. Ушбу дастурни ҳаётга татбиқ этиш, белгиланган вазифаларни тўла-тўкис бажаришда халқ депутатлари Навоий шаҳар Кенгашидаги Халқ демократик партияси депутатлик гуруҳи аъзолари ҳам фаол иштирок этмоқда.

Шаҳримизда фаолият юритаёт­ган тиббиёт муассасалари, маҳал­лалар, касб-ҳунар коллежлари ҳамда бошқа корхона ва таш­ки­лотларда мазкур дастурда белги­ланган вазифаларнинг ижросини таъминлаш хусусида тушунтириш ишлари олиб борилмоқда.
ДАВОМИНИ УҚИНГ
Бўлими : Тизимдаги лойихалар   |   info  |   :
05 апрель 2016,   кўрилган: 377

Год здоровой матери и ребенка

ЛЕЧЕНИЕ И РЕАБИЛИТАЦИЯ В ГЕРМАНИИ
В соответствии с Государственной программой года, Международный неправительственный благотворительный фонд «Согломавлодучун» и его региональные филиалы занимают особое место в деле оздоровления детей.
В частности, в республиканских и зарубежных клиниках. В том числе, оперативное лечение ребятишек с инвалидностью, из малообеспеченных семей с врожденными дефектами в физическом развитии.
ДАВОМИНИ УҚИНГ
Бўлими : Тизимдаги лойихалар   |   info  |   :
23 март 2016,   кўрилган: 515

“Соғлом она ва бола йили” Давлат дастурида белгиланган вазифалар ижросини таъминлаш мақсадида ташкил этилган «Саломатлик поезди» Навоий вилоятида.
ДАВОМИНИ УҚИНГ
Бўлими : Тизимдаги лойихалар   |   info  |   :
18 март 2016,   кўрилган: 477

Соғлом бола-юрт келажаги
Юртимиз келажаги, мустақил давлатимиз тараққиёти бугунги ишларимизнинг ҳар томонлама етук камолоти билан белгиланади. “Соғлом бола йили” Давлат дастури соғлом жамият қуришимизда устувор вазифаларни белгилаб беради.

Юртбошимиз жорий йилга ном бериш асносида: “Маълумки мамлакатимизда бўлғуси келин-куёвларнинг никоҳдан ўтказиш тартиби жорий қилинган бўлиб, бундан кўзланган асосий мақсад соғлом оила қуриш, соғлом болани дунёга келтириш билан боғлиқ”, дея алоҳида таъкидлаганлар.
ДАВОМИНИ УҚИНГ
Бўлими : Тизимдаги лойихалар   |   info  |   :
12 март 2016,   кўрилган: 423

Ўзбекистон Республикаси Президентининг “Соғлом она ва бола йили”Дастури бўйича Навоий вилояти соғлиқни сақлаш бошқармаси тизимида амалга ошириладиган ишлар юзасидан чора-тадбирлар режаси
VSSB-DASTUR.docx [41.71 Kb] (юклаб олинган: 4)
Бўлими : Тизимдаги лойихалар   |   info  |   :